कविता पावसाच्या-कविता-सहासष्ठावी-रिमझीम पाऊस

[Atul Kaviraje]

                                   "कविता पावसाच्या"
                                    कविता-सहासष्ठावी 
                                  ------------------

मित्र/मैत्रिणींनो,

     पावसावरच्या सुंदर कविता-paus kavita in marathi वाचायच्या असतील तर तुम्ही योग्य जागी आला आहात. इथे तुम्हाला नवीन सुंदर पाऊस कविता वाचायला मिळतील.--

                                    "रिमझीम पाऊस"
                                   ----------------

अंगणात पाऊस रिमझिम पडतो
तसाच तो माझ्या मनातही रडतो
अन् अलगद माझ्या डोळ्यातुन
तुझ्या आठवणींसह गालावर बरसतो

अंगणात पाऊस रिमझिम पडतो
तसाच तो डोंगरावरही पडतो
झरा होऊन पाण्याच्या रुपाने
तुझ्या पायांखाली गालीचा पसरतो

अंगणात पाऊस रिमझिम पडतो
तसाच तुझ्या देहावरही तो पडतो
बरसताना तो तुला जातो स्पर्शून
तेव्हा माझा प्रेमळ स्पर्श आठवतो?

--सुनील देवकुळे
---------------

                     (साभार आणि सौजन्य-संदर्भ-स्टोरी मिरर.कॉम)
                    -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-25.09.2022-रविवार.