चारोळी पावसाची-क्रमांक-55-आयुष्याचा खरा अर्थ

[Atul Kaviraje]

                                     चारोळी पावसाची
                                        क्रमांक-55
                                    ----------------

मित्र/मैत्रिणींनो,

     --कवयित्री  पडणाऱ्या  पाण्यात , त्या  पावसाच्या  अमृत-बिंदूत , तुषारात  आपल्या  आयुष्याचा  अर्थ  शोधते  आहे . आपले  जीवन , आयुष्याची  तुलना  ती  या  पावसाच्या  कृपा-प्रसादाने  मिळणाऱ्या  जळात  करू  पहाते  आहे . ती  म्हणतेय , की  श्रावण  महिना  आलाय , आणि  पावसाने  एक  नवे  रूप  दाखविण्यास  सुरुवात  केली  आहे . हलकेच  नभ  उगवू  आणि  बरसूही  लागले  आहेत . त्यातच  अखिल  विश्वाचा  प्राण-प्रकाश  दाता  अश्या  सूर्य-नारायणानेही  दर्शन  दिले  आहे. तो  आम्हावर  प्रसन्न  झाला  आहे . आणि  पाहता  पाहता  त्या  रवी-किरणांनी  आणि  पाऊस-थेंबांनी  एकाकार  होऊन  एक  अति-सुंदर , विलोभनीय , नजर  खिळवून  ठेवणाऱ्या  अश्या  सप्तरंगी  इंद्र-धनूला  जन्म  दिला  आहे . त्या  इंद्र-धनुष्याचे  मोहक , ठसठशीत  चित्र आ-क्षितिज  दूर-दूर  पसरले  आहे . आणि  सुरुवातीला  म्हटल्याप्रमाणे , कवयित्री  त्या  इंद्र-धनु  सप्तरंगात  आपल्या  आयुष्याचे  रंग  शोधत  आहे , पहात  आहे , आपल्या  जीवनाचे  खरे  सारं  शोधत  आहे , अर्थ  पहाते  आहे .

          आयुष्याचा खरा अर्थ
         ------------------
हलकेसे नभ बरसावे,
त्यात सुर्यनारायण प्रसन्न व्हावे,
अन् इंद्रधनुचे चित्र नभावरी उमटावे,
आयुष्याचे अर्थ सारे त्या सप्तरंगात पहावे...
====================

--कवयित्री:साक्षी कांबळे
---------------------

                    (साभार आणि सौजन्य-संदर्भ-विश मराठी.कॉम)
                   -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-26.09.2022-सोमवार.