मला आवडलेल्या चारोळ्या-चारोळी क्रमांक-73

[Atul Kaviraje]

                                मला आवडलेल्या चारोळ्या
                                   चारोळी क्रमांक-73
                               -----------------------

मित्र/मैत्रिणींनो,

     --कवयित्रीला  सर्व  ऋतू  आवडीचे  आहेत . पण  ती  पावसालाच , पावसाळा  ऋतुलाचं  जास्त  महत्त्व  देते.  कारण , हा  ऋतू  तिचा  सर्वांत  आवडीचा  असा  आहे , आणि  विशेष  म्हणजे  पाऊस  बरसू  लागला  की  तिच्या  कवितेचे  स्फुरण  तोच  आहे  असे  ती  अभिमानाने  सांगते . पहिला  पाऊस , पहिल्या  पावसाच्या  त्या  पहिल्या  अमृत-धारा , दव-तुषार  तिला  अनेक  कविता  आणि  चारोळया  सुचवून  जातात . तिच्या  आजवरच्या  साऱ्या  आठवणी  मग  प्रकर्षाने  जाग्या  होतात , तिचा   भूतकाळ  तिला  मग  अचानक  आठवू  लागतो , आणि  पावसाच्या  सरींबरोबर  तिच्या  आठवणींच्या  सरीही  सतत  बरसू  लागतात . न  थांबता , अथक  त्या  वाहायला  लागतात . आणि  या  आठवणींचा  ओघळ  होऊन  जेव्हा  त्या  एखाद्या  झऱ्याप्रमाणे  वाहू  लागतात . तीच  एक  सुवर्ण-वेळ  असते , तेव्हाच  कवयित्रीला  कवितांचे  स्फुरण  होते , तिला  मग  एका-पाठोपाठ  अनेक  कविता  सुचू  लागतात . हा  पाऊसच  तिला  शब्द  देतो , शब्द  सुचवतो  आणि  एका  नव्या  कवयित्रीचा  पुन्हा  नव्याने  जन्म  होतो , उदय  होतो .

==================
रिमझिमत्या सरी
आठवणी होऊन वाहायला लागतात..
जरा कुठे त्याची चाहूल काय लागते,
लगेच कविताच सुचायला लागतात..!!!
==================

--स्पृहा
-------
--संकलक-पियुष तायडे
(Monday, June 13, 2016)
----------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            ------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-27.09.2022-मंगळवार.