चारोळी पावसाची-क्रमांक-56-पावसाच्या प्रेमळ ओल्या धारा

[Atul Kaviraje]

                                   चारोळी पावसाची
                                      क्रमांक-56
                                  ----------------

मित्र/मैत्रिणींनो,

     --ही  दुसरी  कवी-कल्पना , पावसाची. आणि  अत्यंत  आत्मीयतेने , आपलेपणाने  कवयित्री  या   चारोळीतून  ती  आपणास  सांगत  आहे . ती  म्हणतेय , दूर  वर  आभाळी  क्षितिजात  काळ्या  मेघांनी  गर्दी  केली  आहे . ते  अधिकच  घन-दाट  होत  आहेत . त्यांची  काळोखी  पहाता-पहातI  अधिकच  गर्द ,दाट  होत  आहे .अन  पहाता  पहाता  घन-गंभीर गर्जनेपाठोपाठ , अन  तेजस्वी  विद्द्युलतेच्या  साक्षीने  ते  बरसूही  लागलेत . आनंदाच्या  सरी , प्रेमाचा  वर्षाव  ते  भूवर  करू  लागलेत . कवयित्री  पुढे  लिहितेय , माझ्या  अंगणात  या  प्रेम-सरींनी  ओला  फेर  धरला  आहे , त्या  विलोभनीय , प्रेक्षणीय  असे  नृत्य  करीत  आहेत . माझे  सारे  अंगण  त्यांनी  भिजवून  टाकले  आहे . आणि  अचानक  मला  जाणवतंय , माझे  मन  हे  दृश्य  पाहून  मोहित  होत  आहे , त्यात  प्रेमाची  ओली  भावना  फुलतं  आहे . माझ्या  मनात  जे  आजवर  मी  न  अनुभवलेले  असे  दैवी , अनोखे  प्रेम  यांनी  त्यांची  मूळे  खोलवर  घट्ट  केली  आहेत . या  प्रेमाचा  पाया  भक्कम  होत  आहे , कायम  स्वरूपIसाठी . आणि  ही  किमया  त्या  जादूगार  पावसामुळेच  तर  घडली  आहे .

    पावसाच्या प्रेमळ ओल्या धारा
   --------------------------
काळोखाचे नभ येता,
आनंदाच्या सरी बरसतात,
भिजवूनी अंगण सारे,
मनी प्रेमळ ओलाव्याची मुळ घट्ट करतात...
====================

--कवयित्री:साक्षी कांबळे
---------------------

                    (साभार आणि सौजन्य-संदर्भ-विश मराठी.कॉम)
                   -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-28.09.2022-बुधवार.