मला आवडलेल्या चारोळ्या-चारोळी क्रमांक-74

[Atul Kaviraje]

                                 मला आवडलेल्या चारोळ्या
                                    चारोळी क्रमांक-74
                                ------------------------

मित्र/मैत्रिणींनो,

    --कवी  चंद्रशेखर  यांच्या  अनेक  अद्भुत  चारोळ्यांतील  ही  एक  मनाला  विवश  करणारी  चारोळी . ते  यात  म्हणतात , त्यांच्या  चारोळीतील  प्रियकर  आपल्या  प्रेयसीस  म्हणतोय , की  हे प्रिये , आजवर  तुझी  अनेक  सुंदर  रूपे  मी  पहिली , तुझे  लावण्य  मी  निरखित  आलोय . पण  आज  मी  तुझे  एक  नवे  रूप  पहात  आहे . तू  रडलीस , तुझे  डोळे  पाण्याने  भरून  आले  की , प्रिये  तू  अधिकच  सुंदर  दिसतेस . यापूर्वी  मी  तुला  असं  कधी  पाहिलंच  नव्हतं . पण  आज  तुझ्या  डोळ्यांत  आलेल्या  पाण्यामुळे  तुझे  रूप  अधिकच  खुलून  दिसतंय . पुढे  गोखले-सर  म्हणतात , की  तिच्या  डोळ्यातले  पाणी  पाहून  तिचा  प्रियकर  अतिशय  व्याकुळ , भाव-विवश  झाला  आहे . तिचे  हे  नवे  अनोखे  रूप  निरखितच  तो  हलकेच  तिचे  भरून  आलेले  डोळेही  आपल्या  प्रेमळ  हातांनी  पुसत  आहे . अर्थात  या  प्रियकराला  तिचे  हे  अनोखे  रूपही  पाहायचंय , आणि  तिचे  रडणेही  त्याला थांबवायचंय .  म्हणून  तो  आज  या  संभ्रमात  पडलाय , की  तिचे  भरून  आलेले  डोळे  पुसावेत  की  ते  तसेच  राहू  द्यावेत  ?

==================
डोळे भरून आले की..
तुझं रूप कसं दिसायला लागतं
छे! ते दिसण्यासाठी डोळ्यातलं पाणी
हलक्या हातानी कोणी पुसायला लागतं
==================

--चंद्रशेखर गोखले
----------------
--संकलक-पियुष तायडे
---------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            ------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-29.09.2022-गुरुवार.