मला आवडलेल्या चारोळ्या-चारोळी क्रमांक-78

[Atul Kaviraje]

                                मला आवडलेल्या चारोळ्या
                                    चारोळी क्रमांक-78
                               -----------------------

मित्र/मैत्रिणींनो,

     --चंद्रशेखर  गोखले  सरांच्या  या  चारोळीतून  जीवनाचा  एक  गहन  अर्थ  जाणवतो . सर  म्हणतात , की जीवन  हा  निरंतर  प्रवास  आहे , तो  कधीच  संपत  नाही . या  प्रवासाची  सुरुवात  आणि  शेवट  कोठे  हे  कोणीही  आजवर  सांगू  शकलेले  नाही . प्रस्तुत  चारोळीतील  प्रेमी  म्हणतोय , (हा  प्रेमी  नक्कीच  दार्शनिक  असावा), की  हे  प्रिये , मला  जरा  तू  समजून  घे . माझं  तुझ्यावर  खरंच  प्रेम  आहे . पण  प्रिये , हे  जीवनही  तर  सत्य  शोधण्याचा  खरा  मार्ग  आहे . आणि  प्रेमाबरोबरच  मी  माझा   हाही  निरंतर , न  संपणारा  असा  प्रवास  अथक  सुरु  करतोय . आणि  याची  सुरुवात  मी  माझ्याकडून  माझ्याकडेच  करतोय . आधी  मी  मलाच  नीट  ओळखायचा  प्रयत्न  करतोय . मी  मलाच  प्रथम  समजून  घेण्यास  सुरुवात  केली  आहे . त्यामुळे  असं  समजू  नकोस , की  हा  आला  आणि  माझ्याकडे  न  पाहताच  , पाठ  फिरवून  निघालाही . पण  तसं  नाहीय  प्रिये .  मी  या  एकल  प्रवासात  मलाच  शोधण्याचा  प्रयत्न  करतोय . आणि  याची  अथक  सुरुवात  मी  माझ्याकडूनच  केली  आहे . म्हणून  मला  थोडं  समजून   घे .

==============
एक निरंतर प्रवास सुरु होतो
माझ्याकडून माझ्याकडे
आणि तुला वाटतं मी निघालो
पाठ फिरवून तुझ्याकडे.
==============

--चंद्रशेखर गोखले
----------------
--संकलक-पियुष तायडे
( Monday, January 25, 2016)
---------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-04.10.2022-मंगळवार.