मला आवडलेल्या चारोळ्या-चारोळी क्रमांक-80

[Atul Kaviraje]

                              मला आवडलेल्या चारोळ्या
                                 चारोळी क्रमांक-80
                             -----------------------

मित्र/मैत्रिणींनो,

     --कवयित्रीच्या  मनाचा  हळवेपणा , या  चारोळीतून  दिसून  येत  आहे . तिच्या  चारोळीतील  प्रेयसी ,दर  दिवशी  संध्याकाळी , सांजवेळी  अशीच  खिन्न  होते , उदास  होते . तिला  ही संध्या   बिलकुलच  आवडत  नाही . ही  संध्या-छाया  तिला  नकळत  कुठेतरी  हरवून  टाकते , एकटी   ठेवते .आणि  अश्या  या  कातरवेळी , जेव्हा  ती  एकटी  असते , तेव्हा  तिला  तिच्या  प्रियकराची  प्रकर्षाने  आठवण  येऊन  राहते . तिचे  मन  प्रसन्न  करण्यासाठी , तिचा  उदासपणा  दूर  करण्यासाठी  तिला  तो  जवळ  हवा  असतो . त्याचा  आपलासा  असा , हवा-हवासा , हळवा  स्पर्श  हवा  असतो . जो  मिळताच  तिच्या  उदास  कळीचे   पुन्हा  एका  सुंदर , पूर्ण  फुलात  रूपांतर  होईल . पण  तो  फक्त  आता  आठवणीतच  उरलाय . तो  आता  तिच्या  जवळ  नाहीय . तो  कधी  येईल  हे  तिला  ठाऊक  नाही . आणि  मग  या  आठवणीनेच  तिचे  मन  पुन्हा  एकवार  खिन्न , उदास  असं  होऊन  जातं . 

====================
सांज सकाळी कातरकाळी
येतात नेहमी तुझ्याच आठवणी
आठवणी त्या मन करतात उदास
तेव्हा खरच हवा असतो हळवा स्पर्श तुझाच
====================

--मनीषा
--------
--संकलक-पियुष तायडे
(Thursday, January 07, 2016)
---------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.10.2022-गुरुवार.