शोभा गुर्टू-कलावंतीण-पिकल्या पानाचा देठ कि हो हिरवा

[Atul Kaviraje]

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, "कलावंतीण" या चित्रपटातील श्रीमती शोभा गुर्टू यांनी गायिलेले एक लावणी-गीत. या लावणीचे शीर्षक आहे- "पिकल्या पानाचा देठ कि हो हिरवा"

                            "पिकल्या पानाचा देठ कि हो हिरवा"
                           --------------------------------

दरबार जुना हो हंड्या झुंबर नवं
मध्यान्ह रातीला आता लावा अत्तर दिवं
अंगाअंगी मी रंग खेळते, केसामधी मरवा
पिकल्या पानाचा देठ कि हो हिरवा !

नख लागंल बेतानं खुडा
केशरी चुना अन्‌ कात केवडा
लई दिसानं रंगल्‌ विडा
व्हटाची लाली टिपुनी घ्याया
मुखडा असा फिरवा
पिकल्या पानाचा देठ कि हो हिरवा !

थोडी झुकून थोडी वाकते
पडला पदर, लाज झाकते
नेम धरून बाण फेकते
तुमची माझी हौस इश्काची
हळू हळू पुरवा
पिकल्या पानाचा देठ कि हो हिरवा !

============
गीत : जगदीश खेबुडकर
संगीत : राम कदम
स्वर : शोभा गुर्टू
चित्रपट : कलावंतीण
============

--प्रकाशक : शंतनू देव
--------------------

                (साभार आणि सौजन्य-माणिक-मोती.ब्लॉगस्पॉट.कॉम)
                           (संदर्भ-♫ गाणीमराठी.com ♫♪)
               -----------------------------------------------

-----संकलन
-----श्री.अतुल एस.परब(अतुल कवीराजे)
-----06.10.2022-गुरुवार.