मला आवडलेल्या चारोळ्या-चारोळी क्रमांक-81

[Atul Kaviraje]

                               मला आवडलेल्या चारोळ्या
                                  चारोळी क्रमांक-81
                              -----------------------

मित्र/मैत्रिणींनो,

     --चारोळीकाराने  आपल्या  सिद्धहस्त  लेखणीतून  आणि  एक  प्रेमाची  चारोळी  प्रसवली  आहे . त्याच्या  चारोळीतील  तथा-कथित  प्रियकर  आपल्या  प्रेयसीच्या  रूपाचे  गुणगान  करता  म्हणतोय , प्रिये  तू  आधीच  इतकी  सुंदर  आहेस , की  कोणताही  बनावटी  मेकअप  आणि  तत्सम  सौंदर्य-साधने  यांची  तुला  काहीही  गरज  नाहीय . आणि  तुझ्या  मूळच्याच  देखण्या  रूपात  आणि  लावण्यात  अधिकच  भर  घालतेय , ही  तुझी  गालावर  पडणारी  खळी . तू  जेव्हा  गोड , मधुर , मधाळ  हसतेस  ना , तेव्हा  ही  खळी  तुझ्या  गाली  आपोआपच  अवतीर्ण  होते . ही  खळी  तुला  इतकी  शोभतेय  की  तुझ्या  सुंदरतेमध्ये  अणिकच  भर  या  खळीने  पडत  आहे . नव्हे  तुझे  रूप  हे  तर  चक्क  द्विगुणित  झाल्याचं  मला  दिसतंय . प्रिये , तुझे  हे  खट्याळ  हसणे , मोहक  लाजणे , आणि  या  अंदाजाने  तुझ्या  गालांवर  पडणाऱ्या  दिल-खेचक  खळीचा  मी तर अगदी  गुलामच  झालोय  बघ . तू  अशीच  हसत  राहा .

===============
कधी खट्याळ हसताना तु,
गालावर सुंदर खळी पडायची...
अन् पडलेल्या त्या खळीमुळे,
तु अजून सुंदर दिसायची...
===============

--AUTHOR UNKNOWN
-------------------------
--संकलक-पियुष तायडे
( Wednesday, December 23, 2015)
---------------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-07.10.2022-शुक्रवार.