मला आवडलेल्या चारोळ्या-चारोळी क्रमांक-83

[Atul Kaviraje]

                                मला आवडलेल्या चारोळ्या
                                   चारोळी क्रमांक-83
                               ------------------------

मित्र/मैत्रिणींनो,

     --चंद्रशेखर  सरांच्या  चारोळीतील  हा  नटखट  नायक , या  चारोळीतून  आपल्या  प्रियेची  कशी  टर, खिल्ली  उडवीत  आहे  ते  वाचूया . तो  तिला  म्हणतोय , आपण  तर  रोजच  भेटतो . त्याच  त्या  ठिकाणी , त्याच  त्या  वेळी , अगदी  ठरल्याप्रमाणे , न  चुकता . पण  एक  दिवस  मला  तुझी  मजा  पाहायची  आहे . मी  तुला  भेटायला  येईनच , ते  मी  चुकवणार  नाही . पण  लवकर  येऊन  मी  मुद्दामूनच  कोठेतरी  लपून  बसेन . तुला  न  दिसता , तू  आल्यावर  मी  तुझ्या  हालचाली  पाहीन . मी  न  दिसताच  तुझा  तो  रडवेला , कावरा-बावरा  झालेला  उदास, केविलवाणा  चेहरा  पाहून  मला  खूपच  मज्जा  येईल .तुझे  ते  बावरे  माझ्या  वाटेकडे  टक  लावून  पाहणारे  डोळे  पाहून , मला  गम्मत  वाटेल . पण  हे काही  काळापुरतेच  हं . अन  अगदी  टोकास  जाऊ  नये ,  तुझे  डोळे  पाण्याने  भरण्याआधीच , तुला  रडू  फुटण्याआधीच  मी  मग  हळूच  आडोशाकडून  बाहेर  येईन  आणि  तुला  मिठीत  घेऊन  तुझे  सांत्वन  करीन .

===============
एकदा मला ना
तू माझी वाट पहाताना पहायचंय
तेवढ्यासाठी आडोशाला
हळूच लपून रहायचंय
===============

--चंद्रशेखर गोखले
----------------
--संकलक-पियुष तायडे
(Friday, November 20, 2015)
---------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-09.10.2022-रविवार.