मला आवडलेल्या चारोळ्या-चारोळी क्रमांक-84

[Atul Kaviraje]

                                 मला आवडलेल्या चारोळ्या
                                    चारोळी क्रमांक-84
                                -----------------------

मित्र/मैत्रिणींनो,

     --काही  काही  वेळा  चंद्रशेखरजी  गोखले  सर  त्यांच्या  या   प्रेम-चारोळीतून  आपणास  हळवे , भाव-विवश  करून  जातात . त्यांच्या  या  चारोळीतील  प्रियकर  आपल्या  प्रेयसीस  विचारतोय , तर  तिच्याकडे  काही  मागतोय . तो  म्हणतोय , प्रिये , तू  येतेस , मज-सोबत  बसतेस , प्रेमाच्या  गोष्टी  करतेस , माझे  मन  रिझवतेस . माझ्या  उदास  मनास  फुंकर  घालतेस . तुझ्या  बोलक्या  डोळ्यांनी , तुझ्या  अविर्भावाने  तू  खूप  काही  मला  देऊन  जातेस , सांगून  जातेस . पण  एवढंच  काही  मला  पुरेसं  नसतं . मला  अजूनही  खूप  काही  तुला  सांगायचं  असतं , तुझ्याकडे  खूप  काही  मागायचं  असतं . पण  कधी  कधी  हिम्मतच  होत  नाही  बघ . तू  समोर  असल्यावर  ते  सारं  काही  सांगायचं  मग  माझ्या  मनातच  राहून  जातं . तू  गेल्यावर  असं  वाटतं , की  मला  ते  तुला  सांगायला  हवं  होतं . जाताना  तू  मला  खूप  काही  देऊन  जातेस , ते  अवर्णनीय , शब्दांत  सांगण्यासारखं  नसतं . परंतु  तू  गेल्यावर   मग  सारखं  वाटतं  राहतं , की  काहीतरी  अपूर्ण  आहे , अजून  काहीतरी  हवंय , आणखीन काही  तरी  मागायचं  राहून  गेलंय .

==============
तू गेल्यावर वाटतं
खूपसं सांगायचं होतं,
तू खूपसं दिलंस
तरी आणखीन मागायचं होतं..
==============

--चंद्रशेखरजी गोखले
------------------
--संकलक-पियुष तायडे
(Wednesday, November 11, 2015)
--------------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            ------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.10.2022-सोमवार.