इतर कविता-(क्रमांक-10)-तुझ्यामाझ्यासवे कधी गायचा पाऊसही

[Atul Kaviraje]

                                     इतर कविता 
                                    (क्रमांक-10)
                                    ------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                         तुझ्यामाझ्यासवे कधी गायचा पाऊसही
                        ---------------------------------

तुझ्यामाझ्यासवे कधी गायचा पाऊसही
तुला बोलावता पोचायचा पाऊसही

पडे ना पापणी पाहून ओलेती तुला
कसा होता नि नव्हता व्हायचा पाऊसही

तुला मी थांब म्हणताना तुला अडवायला
कसा वेळीच तेव्हा यायचा पाऊसही

मला पाहून ओला विरघळे रूसवा तुझा
कशा युक्त्या मला शिकवायचा पाऊसही

कशी भर पावसातही आग माझी व्हायची
तुला जेव्हा असा बिलगायचा पाऊसही

आता शब्दांवरी या फक्त उरलेल्या खुणा
कधी स्मरणे अशी ठेवायचा पाऊसही

– संदीप खरे (मौनाची भाषांतरे)
---------------------------
संकलक- सुजित बालवडकर
-------------------------

                 (साभार आणि सौजन्य-मराठीकविता.वर्डप्रेस.कॉम)
                --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.10.2022-सोमवार.