मला आवडलेल्या चारोळ्या-चारोळी क्रमांक-85

[Atul Kaviraje]

                                मला आवडलेल्या चारोळ्या
                                   चारोळी क्रमांक-85
                               -----------------------

मित्र/मैत्रिणींनो,

     --चंद्रशेखर  गोखले  सर , प्रेमाचा  एक  अनोखा  अनुभव  या  चारोळीतून  साकार  करीत  आहेत . त्यांच्या  चारोळीतील  प्रियकराचे  आपल्या  प्रियेवर  फार  पूर्वीपासून  प्रेम  आहे . त्यांच्या  प्रेमाची  सुरुवात  ही  बहुधा  त्यांच्या  शालेय  कारकिर्दीतच  सुरु  झाली  असावी . तेव्हा  त्याला  ती  खूप  आवडायची . तिलाही  तो  खूप आवडायचा .त्या   बाल्य-प्रेमाची  रुजुवात  होऊन  त्या  प्रेमाने  आता  चांगलाच  फुलोरा  फुलवला  आहे .प्रत्यक्षात  नाही  जमले  तरी  त्यांची  भेट , त्यांचे  मिलन  स्वप्नात  रोजच  होतं  असते . तिचा  किंवा  त्याचा  तो  झालेला  स्पर्श , ती  दोघे  स्वप्नांतही  अनुभवतात . त्या  हव्या-हव्याश्या  वाटणाऱ्या  त्या  स्पर्शाचा  कोवळा  भास-आभास  मग  त्यांना  काहीतरी  आठवण  करून  देतो . आणि  मग  ती  दोघे  वेगळी  जरी  असली  तरी  स्वप्नातच  ते  बालपणीचे  प्रेम  अनुभवू  लागतात , ज्याची  सुरुवात  तेव्हा  झाली  होती . पाहता-पाहता  ती  दोघे  गत-काळात , भूत-काळात  ओढली  जातात , आणि  तेच  दिवस  पुन्हा  नव्याने  पाहू  लागतात . हीच  तर  असते  या  निस्सीम  प्रेमाची  असीम  ओढ . 

=============
पुन्हा तुझ्या स्पर्शाचा
तो कोवळा भास
आणि क्षणात मी करून येते
काही वर्षांचा प्रवास...
=============

--चंद्रशेखर गोखले
----------------
--संकलक-पियुष तायडे
(Tuesday, November 03, 2015)
-----------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            ------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-11.10.2022-मंगळवार.