इतर कविता-(क्रमांक-12)-आणि पापण्या भिजल्या आहे

[Atul Kaviraje]

                                     इतर कविता 
                                    (क्रमांक-12)
                                    ------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                             आणि पापण्या भिजल्या आहे
                            -------------------------

ओघळलेले शुभ्र कवडसे,
चंद्र चांदण्या रुसल्या आहे,
सळसळणारी पाने तरिही,
अशा सावल्या थिजल्या आहे...

असे दावणी बैल जोडही,
चारा भिजुनी पिचला आहे,
गोठुन गेल्या पानांवरती,
ओघळथेंबी टिकल्या आहे...

गिरक्या घेउन वारा वाहे,
कुडकुडणारा प्रवास आहे,
ऊब घ्यावया जाइ हात ज्या,
तैल दीपिका विझल्या आहे...

धुके दाटल्या वेशीवरुनी,
भास असा हा अवचित आहे,
एकतारिची तुण तुण वाटे,
जसे चाहुली शिकल्या आहे...

कोरड पडल्या माळावरती,
निसर्ग राजा हसला आहे,
हसण्याची मग सीमा तुटली,
आणि पापण्या भिजल्या आहे

---अनामिक   
-----------
संकलक- सुजित बालवडकर
-------------------------

                  (साभार आणि सौजन्य-मराठीकविता.वर्डप्रेस.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-12.10.2022-बुधवार.