इतर कविता-(क्रमांक-14)-निशिगंध तिच्या नजरेचा

[Atul Kaviraje]

                                     इतर कविता 
                                    (क्रमांक-14)
                                   -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                              निशिगंध तिच्या नजरेचा
                             ---------------------

निशिगंध तिच्या नजरेचा
डोळ्यात दर्वळे माझ्या
चाहूल तिच्या प्रीतीची
हृदयात दरवळे माझ्या

आभास सारखा होतो
ती आली येत असावी
झंकार पैंजणाचा त्या
कानात दरवळे माझ्या

रेषांचे तळहातावरल्या
ताटवे फुलांचे झाले
तो हात तिच्या मेंदीचा
हातात दरवळे माझ्या

ओठांनी ओठावरती
मग लिहिली सुंदर गाणी
तो स्पर्श तिच्या श्वासांचा
रक्तात दरवळे माझ्या

लाजून बिलगली मजला
हलकेच म्हणाली सजना
अनमोल प्रीतीचा अपुल्या
स्वप्नात दरवळे माझ्या.

---अनामिक
-----------
(जखमा अशा सुगंधी.... कविता संग्रहातून)
------------------------------------
संकलक- सुजित बालवडकर
-------------------------

                 (साभार आणि सौजन्य-मराठीकविता.वर्डप्रेस.कॉम)
                --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.10.2022-शुक्रवार.