मला आवडलेल्या चारोळ्या-चारोळी क्रमांक-90

[Atul Kaviraje]

                              मला आवडलेल्या चारोळ्या
                                 चारोळी क्रमांक-90
                             -----------------------

मित्र/मैत्रिणींनो,

     --प्रस्तुत  चारोळीतून  चारोळीकाराचा  प्रेमी  आपल्या  प्रेयसीस  स्वप्नात  पाहतो  आहे . तो  म्हणतोय , हे  प्रिये , आपण  दोघे  रोजच  भेटतो . असा  एकही  दिवस  जात  नाही , की  जेव्हा  आपली  भेट  होत  नाही . पण  ज्या  दिवशी  तू  मला  भेटत  नाहीस , त्याच  रात्री  तू  हमखास  माझ्या  स्वप्नात  येतेस . तो  पुढे  म्हणतोय  तू  जेव्हा  माझ्या  स्वप्नांत  माझे  स्वप्न  होऊन  येतेस , तेही  अगदी  भल्या  पहाटेस . प्रत्यक्षात  ते  सारे  भासमान , असत्य , खोटे  असंच  असतं . पण  तरीही  मला  ते  स्वप्न  नसून  सत्याचा  आभास  देणारे  एक  जिवंत  स्वप्न  वाटतं . मग  मनात  लपलेल्या  भावना  , तुला  न  सांगितलेली  गुपिते , या  निमित्ताने  उचंबळून  येतात . त्या  फार  काळ  मनात  दडून  राहू  शकत  नाहीत . मी  कितीही  जरी  भासवले  तरीही  हे  सारं , दिवसभर  मग  माझ्या  डोळ्यांत  तरळत  राहते . माझ्या  डोळ्यांतून  ते  ओघळत  राहते .

============
तु म्हणजे एक स्वप्न,
भल्या पहाटे पडणारे,
तरीही खोटे ठरणारे,
मनात दडुन ठेवलेले,
कितीही भासविले तरीही,
डोळ्यातुन ओघळाणारे
============

--AUTHOR UNKNOWN
------------------------
--संकलक-पियुष तायडे
(Thursday, August 20, 2015)
--------------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-16.10.2022-रविवार.