इतर कविता-(क्रमांक-18)-एक कळी मात्र, उमलायचीच राहून गेली…

[Atul Kaviraje]

                                     इतर कविता 
                                    (क्रमांक-18)
                                   -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                       एक कळी मात्र, उमलायचीच राहून गेली...
                      -----------------------------------

एक कळी मात्र, उमलायचीच राहून गेली ...

वसंतात आज या, सारी बाग न्हाऊन गेली;
एक कळी मात्र, उमलायचीच राहून गेली.

झंकारली भग्न तार, ह्रदयाची माझ्या;
वेदना त्या जुन्या, पुन्हा सुलगावूनी गेली.

उजळले दीप, सर्वांच्या दारी;
रांगोळी माझ्या घरी, का अशी पुसटून गेली?

पुरविली वस्त्रे द्रौपदीस, लज्जारक्षणार्थ अच्युताने;
चंद्रमौळी नशिबात माझ्या, लक्तरे का राहून गेली?

जाहली त्रुप्त धरती, अळवाच्या बरसातीने;
झोपडी माझीच फक्त, त्या पुरात वाहुन गेली.

एक कळी मात्र, उमलायचीच राहून गेली...

– कुलकर्ण्यांचा निरज
------------------
संकलक- सुजित बालवडकर
-------------------------

                 (साभार आणि सौजन्य-मराठीकविता.वर्डप्रेस.कॉम)
                --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-18.10.2022-मंगळवार.