मला आवडलेल्या चारोळ्या-चारोळी क्रमांक-95

[Atul Kaviraje]

                                मला आवडलेल्या चारोळ्या
                                    चारोळी क्रमांक-95
                               -----------------------

मित्र/मैत्रिणींनो,

     --नवं-चारोळीकार  श्री  शरद , यांची  मनाची  भावुकता , त्यांचे  संवेदनशील  मन  या  चारोळीतून  उलगडून  पुढे  येते . ते  म्हणतात , की  मन  आणि  पावसाळ्यात  दाटून  येणारं  आभाळ , आकाश  यांचा  काहीतरी  एकमेकांशी  संबंध  असावा. या  दोघांचं  काहीतरी  नातं  असावं .  आभाळ  भरून  आल्यावर , पावसाची  रिपरिप  सुरु  झाली , की  आपसूकच  मनात  दाटलेल्या  भावनाना   महापूर  येऊन  , त्यातील  दडलेल्या  आठवणी , आसवांच्या  रूपे  मग  डोळ्यावाटे  झरझर  बाहेर  वाहू  लागतात . त्या  वाहणाऱ्या  गंगा-यमुना  आणि  बाहेर  वाहणाऱ्या  पर्जन्य-धारा  या  दोघांनाही  मग  वेगळं  करता  येत  नाही . ती  दोघेही  इतकी  एकरूप  असतात , संलग्न  असतात , त्यांचा  इतका  समन्वय  झालेला  असतो , की  कितीही  लपविता  म्हटले  तरी  लपविता  येत  नाही . आणि  हे  सारं  फक्त  पावसाळ्यात  आभाळ  दाटून  आल्यावरच  घडतं .

================
मनाचं आणि आभाळIच
काहीतरी नातं असावं !
नाहीतर आभाळ भरून आल्यावर
मनही का दाटून यावं ?
================

--शरद
--------
--संकलक-पियुष तायडे
(Friday, June 19, 2015)
---------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            --------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-21.10.2022-शुक्रवार.