मला आवडलेल्या चारोळ्या-चारोळी क्रमांक-96

[Atul Kaviraje]

                               मला आवडलेल्या चारोळ्या
                                  चारोळी क्रमांक-96
                              -----------------------

मित्र/मैत्रिणींनो,

      --कथित  चारोळीकाराने  त्या  दोघांतील , म्हणजे  प्रियकर-प्रेयसीच्या  नात्याची  एक  अजब  गुंफण  आपणापुढे  पेश  केली  आहे . तो  म्हणतोय , त्याच्या  चारोळीतील  नायक-प्रेमी  आपल्या  प्रेयसीस  म्हणतोय , हे  प्रिये , आपल्या  दोघांत  प्रेमाचे  एक  अतूट  असं  नातं  निर्माण  झालं  आहे . पण  या  नात्यातील  अनेक  न  दिसणाऱ्या  छटाही  आता  आपण  दोघेही  अनुभवू  लागलो  आहोत . प्रिये , तुझं  माझं  नातं  जणू  आभाळाचा , या  आकाशाचा  श्वासच  आहे . उन्हाळ्यात  जसं  चटकI  देणारं , कडकडीत , रणरणतं  उन्ह  पडत , आणि  पावसाळ्यात  तेच  वातावरण  हलकं  होऊन , मृदू  होऊन  गIर  वाऱ्यासवे  सरी  बरसतात . अश्या  विभिन्न , परस्पर-विरोधी  परिस्थितीतून  जाऊन  हे  आभाळ  आपल्याला  काही  शिकवून  जातं . तद्वतच  आपलंही  आहे . आपल्या  भावनांचा  प्रक्षोभ , त्यातील  कठोरता , तगमग , तळमळ  आणि  त्याविरुद्ध  मृदुलता , आपलेपणा , ओढ , हवीहवीशी  वाटणारी  अनामिक  हुरहूर , सान्निध्य  या  भावनाही  त्यात  रुजू  होतात . निसर्गाशी  जणू  या  आपल्या  भावना  एक  जवळीक  साधू  पाहतात , एक  नातं  जोडू  पाहतात .

===============
तुझ्या माझ्यातलं नातं
जसा आभाळाचा श्वास
कधी रणरणतं ऊन
तर कधी हलक्या सरींचा भास...
===============

--संकलक-पियुष तायडे
(Thursday, June 18, 2015)
------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-22.10.2022-शनिवार.