मला आवडलेल्या चारोळ्या-चारोळी क्रमांक-98

[Atul Kaviraje]

                                मला आवडलेल्या चारोळ्या
                                   चारोळी क्रमांक-98
                              -------------------------

मित्र/मैत्रिणींनो,

     --या  चारोळीतून  श्री  सुधीर  सरांनी  विरहाचे  काय  दुःख  असते , आणि  तो  सरल्यावर  प्रेमात  येणारा  आनंद  यात  त्या  दोघांची  काय  अवस्था  होते , हे  बखुबीनें  वर्णिले  आहे . सुधीर  सर  म्हणतात , त्यांच्या  चारोळीतील  प्रियकर  आपल्या  प्रेयसीस , प्रेमिकेस  म्हणतोय , प्रिये , हा  जो  विरह  होता  ना  तो  दोघांनाही  असह्य  होता . दरम्यान  जेवढी  तुझी  ओढ मला  होती  तेवढीच  तुलाही  माझी  होती , हे  मी  जाणून  होतो . आणि  म्हणून  जेव्हा  आपली  आजची  भेट  झाली , आणि  झटकन  तू  माझ्या  मिठीत  सामावलीस  तेव्हाच  मला  कळून  चुकलं  की  हा  विरह  काय  असतो , आणि  विरहातल्या  प्रेमाचे  दुःख  काय  असते . हे  तुला  कळतंय , आणि  मलाही . आणि  आता  मी  काही  तुला  सोडून  पुन्हा  जाणार  नाहीय . हा  विरह  संपलाय  आता  प्रिये . आता  तरी  ही  तुझी  घट्ट  मिठी  जराशी  सैल  कर . पहा  माझा  जीव  कसा  कासावीस  होऊ  पहात  आहे . आता  मी  फक्त  तुझाच  आहे , आणि  तू  फक्त  माझीच  आहे . दुःखाचे  ते  सारे  दिवस  ओसरलेत , आणि  सुखाचा  महा-मार्ग  आपल्या  दोघांनाही  मोकळा  झाला  आहे .

==============
दुखः प्रेमातल्या विरहाचं
आज तिलाही कळल होतं
म्हणूच मिठीत मला तिने
आज स्वतः मध्ये लपवल होतं
==============

--सुधीर जगताप
--------------
--संकलक-पियुष तायडे
(Monday, May 18, 2015)
---------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            --------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-24.10.2022-सोमवार.