मला आवडलेल्या चारोळ्या-चारोळी क्रमांक-101

[Atul Kaviraje]

                               मला आवडलेल्या चारोळ्या
                                  चारोळी क्रमांक-101
                              ------------------------

मित्र/मैत्रिणींनो,

     --मानवी  स्वभावाचा  पैलू  सर  चंद्रशेखर  गोखले  या  चारोळीतून  दाखवून  देतात . परस्पर  विरोधी  असा  स्वभाव  आपणास  सर्व  ठिकाणी  पाहावयास  मिळतो . नव्हे  तो  तर  आपल्यातही  दडलेला  असतो . याला  पुस्ती  म्हणून , जोडता  ते  म्हणतात , वाचकहो , घर  हे  नुसतं  घरचं  नसतं , तर  ते  नात्यांनी  जोडलेलं  एक  पवित्र  मंदिर  असतं . आणि  त्यात  अनेक  जण  रहात  असतात . सुख-दुःख  अनुभवीत  असतात . एक  जण  आक्रस्ताळी , त्रागा  करणारा , रागीट  , कडक , कठोर  स्वभावाचा  असला , तर  दुसरा  हा  नेहमीच  मृदू , नरम-दिल , शांत , संयमी  असावाच  लागतो . कारण  जर  का  दोघेही  एकाच  स्वभावाचे , सम-स्वभावी  असतील , तर  घराला  घरपण  हे  राहणार  नाही . त्यामुळे  एकाने  जरी  घरातल्या  वस्तू  पसरवल्या , तर  दुसऱ्याने  शांतपणे , न  चिडचिड  करता  त्या  सावरायच्या  असतात , आवरायच्या  असतात , आणि  तेव्हाच  हे  नातं  परिपूर्ण  असं  होतं .

=============
घर हे दोघांचं असतं
ते दोघांनी सावरायचं असतं
एकाने पसरवल तर
दुसऱ्याने आवरायचं असतं
=============

--चंद्रशेखर गोखले
----------------
--संकलक-पियुष तायडे
(Friday, April 10, 2015)
--------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
             -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-27.10.2022-गुरुवार.