इतर कविता-(क्रमांक-29)-माझे मृत्यूपत्र….

[Atul Kaviraje]

                                     इतर कविता 
                                    (क्रमांक-29)
                                   -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                                     माझे मृत्यूपत्र....
                                    --------------

मी मेल्यावर, माझ्यासाठी कुणी रडू नये...
फुलांच्या भाराखाली, प्रेत माझे मढू नये...

रचावी मजसाठी, साध्या कIष्ठांचीच चिता;
चंदनाचा सहवास, मला कधी घडू नये...

घडावी मोकळ्या कुरणात, मला मोक्षप्राप्ती;
मजसाठी स्मशानाची पायवाट, कुणाच्या पायाखाली पडू नये...

उडावी खुल्या हवेत, माझ्या राखेची वावटळं;
माझ्या अस्थी कुठल्याही, नदीतळाशी सडू नये...

मी गेल्यावरही रहावे, सगळ्यांनी आनंदात;
माझ्या नसण्याने कधीही, कुणाचे काही अडू नये...

मी मेल्यावर, माझ्यासाठी कुणी रडू नये.

– निरज कुलकर्णी
----------------
संकलक- सुजित बालवडकर
-------------------------

                  (साभार आणि सौजन्य-मराठीकविता.वर्डप्रेस.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-29.10.2022-शनिवार.