मला आवडलेल्या चारोळ्या-चारोळी क्रमांक-105

[Atul Kaviraje]

                                मला आवडलेल्या चारोळ्या
                                  चारोळी क्रमांक-105
                              -------------------------

मित्र/मैत्रिणींनो,

     --चारोळीकार  सुधीर-सरांनी  प्रेमात  येणारे  अविस्मरणीय  क्षण , फारच  सुदंर  रीतीने  येथे  कथित  केले  आहेत . ते  म्हणतात , केव्हा  केव्हा  प्रेमात  विरह  हा  सहन  करावाच  लागतो . त्यावेळी  होणारी  मनाची  स्थिती  ही  तोच  जाणू  शके , की  ज्याने  फक्त  निस्वार्थीच  प्रेम  केले  आहे . पुढे  ते  म्हणतात , की  हा  विरह  जेव्हा  प्राक्तनात  असतो , किंवा  नशिबी  येतो , तेव्हा  कायम  मनी  वसलेल्या , ठरलेल्या  त्या  मूर्त  प्रेमास  विसरणं  फारच  कठीण  असतं . तो  प्रेमाचा  चेहरा , ज्याच्यावर  आपण  प्रेम  केलं  ती  व्यक्ती , अगदी  जवळची  असली , तरी  ही  फारकत , दुरावा  अशी  काही  परिस्थिती  निर्माण  करतो  की , ती  व्यक्ती  सान्निध्यात  असूनही , तिच्यासाठी  तरसाव  लागत , तिच्यासाठी  जीव  झुरत  असतो . अंती , प्राक्तनात  लिहिलेलं  भोगावं  लागत , त्यापुढे  मानवी  प्रयत्न  सर्वथा  अयशस्वीच  ठरतात .

=============
खूप अवघड असत
त्या एका चेहऱ्याला विसरणं
त्याच्याजवळ असून सुद्धा
त्याच्यासाठी तरसण...
=============

--सुधीर जगताप
--------------
--संकलक-पियुष तायडे
(Tuesday, March 17, 2015)
------------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-31.10.2022-सोमवार.