मला आवडलेल्या चारोळ्या-चारोळी क्रमांक-106

[Atul Kaviraje]

                               मला आवडलेल्या चारोळ्या
                                  चारोळी क्रमांक-106
                              -----------------------

मित्र/मैत्रिणींनो,

     --नवं-चारोळीकारास  या  छुप्या  प्रेमाचा  चांगलाच  अनुभव  आहे , हे  या  मिश्किल  प्रेम-चारोळीवरून  लक्षात  येत  आहे . त्याच्या  चारोळीतील  प्रियकर  हा  असाच  खट्याळ  आहे . प्रेमात  काही  तरी  गम्मत  हवी , असे  त्याला  नेहमीच  वाटतं  असतं . सारखं  तेच  तेच  काय , म्हणून  तो  म्हणतोय , अगं  प्रिये , तू  तर  मला  रोजच  भेटतेस , गप्पा  मारून  निघूनही  जातेस . पण  जाताना  तुझ्या  मनाला  माझी  जी  अनोखी  हुरहूर , ओढ  लागलेली  असते , ती  मला  तुझ्या  हावभावावरून , हालचालींवरून  कळून  येते . जाताना  जेव्हा  तू  अवचित  मागे  वळून  मजकडे  दृष्टिक्षेप  टाकलेस , ते  मला  फारच  आवडतं . पुढे  हा  खोडकर , खट्याळ  प्रियकर  तिला  चिडवीत  आहे  की , प्रिये  तू  अशीच  राहा . हे  तुझे  वर्तन  मला  थोडीशी  गम्मत  देऊन  जाते . तुझी  चोरटी , छुपी नजर  मला  एक  वेगळीच  अनुभूती  देऊन  जाते, मनात गुदगुली करून जाते  . हेच  तर  खरं  प्रेम  असतं , हीच  खरी  प्रेमातील  ओढ  असते, जी  एकमेकाना  जवळ  घेऊन  येते .

===============
तुझे येणे तुझे जाणे
असच ते वळून पहाणे
आवडते ग मला तुझे
चोरून छुपून मला बघून जाणे..
===============

--AUTHOR UNKNOWN
-------------------------
--संकलक-पियुष तायडे
(Tuesday, January 27, 2015)
--------------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-01.11.2022-मंगळवार.