मला आवडलेल्या चारोळ्या-चारोळी क्रमांक-108

[Atul Kaviraje]

                                मला आवडलेल्या चारोळ्या
                                  चारोळी क्रमांक-108
                               -----------------------

मित्र/मैत्रिणींनो,

      --चोरट  प्रेम , अबोल  प्रेम  कसं  असतं , आणि  त्यातून  काय  निष्पन्न  होतं , हे  चंद्रशेखर  सरांनी  या  चारोळीतून  अतिशय  भाव-पूर्ण  रित्या  दाखवून  दिले  आहे . चारोळीतील  कथित  प्रेयसीचं  आपल्या  प्रियकरावर  निःशब्द , अबोल  प्रेम  आहे . याची  वाच्यता  ती  कधीही  करीत  नाही . पण  त्यालाही   केव्हातरी  तिच्या  नजरेतील  प्रेमभाव  समजलेला  असतो . आणि  मग  बऱ्याच वेळा  त्या  दोघांची  येता-जाता  नजरा-नजर  होतं  असते . आणि  तिला  फक्त  एवढंच  पुरेसं  असतं . तिला  वाटून  राहातं , की तो  मला  रोज  पहातोय  ना , एवढंच  मला  बाई  पुरेसं  आहे , मग  बोलायची  काय  गरज  आहे . भेटायची  काय  गरज  आहे . आणि  मग  घरकामे  वगैरे  उरकल्यानंतर , जेव्हा  ती  मोकळी  होऊन  मागल्या-दारी  फावल्या  वेळात  बसते , तेव्हा  तिला  हे  सर्व  अवचित  आठवू  लागते . त्याची  ती  प्रेम-नजर , जाता  जाता  पुन्हा  पुन्हा  मागे  वळून  तिजकडे  कटाक्ष  टाकणे , हे  तिला  खूपच  भावलेलं  असतं . आणि  या  सर्व  दिवसभराच्या  आठवणीत  ती  गुंगून  जाते , आणि  स्वतःचंही  भान  हरपून बसते .

===============
नुसतं दिसणं पुरेसं असतं
बोलायची गरज नसते ..
अशी नजरभेट मग किती वेळ
मागल्यादारी मी आठवत बसते..
===============

--चंद्रशेखर गोखले
----------------
--संकलक-पियुष तायडे
(Saturday, January 17, 2015)
---------------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-03.11.2022-गुरुवार.