सुरेश वाडकर-कोटी कोटी रुपे तुझी

[Atul Kaviraje]

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, श्री सुरेश वाडकर यांनी गायिलेले एक गीत. या गीताचे शीर्षक आहे- "कोटी कोटी रुपे तुझी"

                               "कोटी कोटी रुपे तुझी"
                              ---------------------

कोटी कोटी रुपे तुझी, कोटी सूर्य चंद्र तारे
कुठे कुठे शोधु तुला, तुझे अनंत देव्हारे

बीज अंकुरे ज्या ठायी, तिथे तुझा वास
तुझा स्पर्ष आणुन देतो, फुलाला सुवास
चराचरा रंगवीशी, रंग तुझा कोणता रे ?
कोटी कोटी रुपे तुझी, कोटी सूर्य चंद्र तारे

कधी दाह ग्रीष्माचा तू, कधी मेघ ओला
जनी निर्जनीही तूझा, पाय रोवलेला
तुझी खूण नाही ऐसा गाव तरी कोणता रे ?
कोटी कोटी रुपे तुझी, कोटी सूर्य चंद्र तारे

खरे रूप देवा तूझे, कोणते कळेना
तूच विटेवरी, तूच वैकुंठीचा राणा
तुला आळवाया घ्यावा शब्द तरी कोणता रे ?
कोटी कोटी रुपे तुझी, कोटी सूर्य चंद्र तारे

==========
गीत - यशवंत देव
संगीत -प्रभाकर जोग
स्वर - सुरेश वाडकर
==========

--प्रकाशक : शंतनू देव
--------------------
(MONDAY, MAY 16, 2011)
-----------------------------

                 (साभार आणि सौजन्य-माणिक-मोती.ब्लॉगस्पॉट.कॉम)
                            (संदर्भ-♫ गाणीमराठी.com ♫♪)
                -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-04.11.2022-शुक्रवार.