मला आवडलेल्या चारोळ्या-चारोळी क्रमांक-111

[Atul Kaviraje]

                                मला आवडलेल्या चारोळ्या
                                   चारोळी क्रमांक-111
                               -----------------------

मित्र/मैत्रिणींनो,

     --आता  जीवनाची  इतिश्री  झाली  आहे , आणि  ते  दिवस  उलटून  जाऊन  परत  पुन्हा  काही  येणार  नाहीत , अश्या  आशयाची  ही  चारोळी , मनास  विदीर्ण  करून  जाते . नवोदित  चारोळीकाराने  सुंदर  अशी  उपमा  या  चारोळीतून  मांडली  आहे . तो  म्हणतोय , त्याच्या  चारोळीत  तो  स्वगत  करतोय , की  प्रिये , आता  आपण  भेटून  फार  दिवस  उलटले  आहेत . बरेच  दिवस  तुझी  भेट  नाही , मन  कसं  विषन्न   होऊन  गेलंय . तुझ्या  आठवणी  येऊन  येऊन  राहताहेत . तुझं  असणं , तुझं  अस्तित्त्व  आणि  तुझं  माझ्याभोवती  घुटमळण  असं  काही  मनात  घर  करून  राहिलंय , की  जागतेपणी , झोपेतही  मला  तुझाच  भास  होऊन  रहात  आहे . या  स्वप्नांत  मी  फक्त  तुलाच  पहात  आहे . तुझी  याद  येताच  आपसूक  माझे  डोळे  मिटले  जातात . आणि  एकवार  पुन्हा  तुझ्याच  स्वप्नांना  सुरुवात  करतात . वIरI  सुटल्यावर  झाडाची  सुकलेली  पाने  जशी  अलगद , स्वतःच  फांदीपासून  तुटून  अगदी  सहजगत्या  जमिनीवर  येऊन  मुक्त  पडतात , त्याप्रमाणेच  मी  डोळे  मिटल्यावर , अगदी  सहजच , कुणीही  न  सुचविल्याप्रमाणे  तू  मग  माझ्या  स्वप्नात  येऊन  माझ्याशी  बोलत  राहतेस , संवाद  साधत  राहतेस . इतकी   तू  माझ्याशी  एकरूप  झाली  आहेस .

===========
सुकलेली पाने पडतात
वारा सुटल्यावर ..
तशी तुझी स्वप्न पडतात
मी डोळे मिटल्यावर .
===========

--AUTHOR UNKNOWN
-------------------------
--संकलक-पियुष तायडे
(December 18, 2014)
------------------------


             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            --------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.11.2022-रविवार.