मला आवडलेल्या चारोळ्या-चारोळी क्रमांक-112

[Atul Kaviraje]

                               मला आवडलेल्या चारोळ्या
                                  चारोळी क्रमांक-112
                             -------------------------

मित्र/मैत्रिणींनो,

     --तू फक्त  माझी  आणि  माझीच  असं  म्हणणार  हे  माझं  वेड  मन , तुझा  कसा  आभास  निर्माण  करतंय , हे  चंद्रशेखर  सरांच्या  या  चारोळीतील  नायक  आपणास  सांगू  पहात  आहे .तो  म्हणतोय , काही  काही  वेळा  तू  जेव्हा  माझ्यासोबत  नसतेस , तेव्हा  उगाचच  मला  तुझा  भास , आभास  होत  रहात  असतो . हा  भास  इतका  तीव्र  असतो , की  मग  वाटून  राहतं  की  तू  खरोखरच  माझ्या  जवळ  आहेस . तू  मला  स्पष्ट  दिसत  आहेस . तुझं  अस्तित्त्व  मला  जाणवू  लागलंय . हा  भास  इतका  सत्य , पराकोटीचा  खरा  असतो , की  क्षणभर  माझे  डोळेही  मला  फसवून  जातात , आणि  म्हणू  लागतात , की  मी  तुला  पाहिलंय . तू  मला  दिसलीस . मला  राहून  राहून  माझंच  आश्चर्य  वाटू  लागतं , की  हे  डोळे  खरं  बोलताहेत, की  माझं  मन  खरं  सांगतंय ? काही  काही  वेळा  मला  काहीच  उमजत  नाही .

=============
वेड्या क्षणी भास् होतो
तू जवळ असल्याचा
डोळे उगीच दावा करतात
तू स्पष्ट दिसल्याचा ...
=============

--चंद्रशेखर गोखले
----------------
--संकलक-पियुष तायडे
(Thursday, December 11, 2014)
------------------------------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            --------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-07.11.2022-सोमवार.