सुमन कल्याणपूर, महेंद्र कपूर-अपराध-सांग कधी कळणार तुला भाव माझ्या मनातला

[Atul Kaviraje]

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, "अपराध" या चित्रपटातील सुमन कल्याणपूर, महेंद्र कपूर यांनी गायिलेले एक गीत. या गीताचे शीर्षक आहे-  "सांग कधी कळणार तुला भाव माझ्या मनातला"

                      "सांग कधी कळणार तुला भाव माझ्या मनातला"
                     -----------------------------------------

सांग कधी कळणार तुला भाव माझ्या मनातला !
रंग कधी दिसणार तुला लाजणाऱ्या फुलातला?

गंधित नाजुक पानांमधुनी, सूर छेडिते अलगद कुणी
अर्थ कधी कळणार तुला, धुंदणाऱ्या सुरातला ?

निळसर चंचल पाण्यावरती, लयीत एका तरंग उठती
छंद कधी कळणार तुला, नाचणाऱ्या जलातला

जुळता डोळे एक वेळी, धीट पापणी झुकली खाली
खेळ कधी कळणार तुला, दोन वेड्या जीवातला

==================
गीत : मधुसूदन कालेलकर
संगीत : एन्‌. दत्ता
स्वर : सुमन कल्याणपूर, महेंद्र कपूर
चित्रपट : अपराध
==================

--प्रकाशक : शंतनू देव
(SUNDAY, MAY 8, 2011)
---------------------------

                (साभार आणि सौजन्य-माणिक-मोती.ब्लॉगस्पॉट.कॉम)
                           (संदर्भ-♫ गाणीमराठी.com ♫♪)
               -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-09.11.2022-बुधवार.