मला आवडलेल्या चारोळ्या-चारोळी क्रमांक-115

[Atul Kaviraje]

                                मला आवडलेल्या चारोळ्या
                                   चारोळी क्रमांक-115
                               -----------------------

मित्र/मैत्रिणींनो,

     --चंद्रशेखर सरांच्या  प्रेम-चारोळीतील  हा  प्रियकर  काहीसा  मिश्किल  असावा , विनोदी  भाष्य  करणारा  असावा . तो  आपल्या  प्रेयसीस  म्हणतोय , की  प्रिये  आपण  तर  रोज  भेटतो . खुप  काही  बोलतो . एकमेकांशी सुसंवाद  साधतो . तू  तर  फारच  गप्पिष्ट  आहेस . तुला  कधीही  चूप  बसवत  नाही . इतकी  तू  तासनतास  माझ्याशी  बोलत  असतेस . पण  मला  आज  तुझी  गम्मत , मजा  करायची  लहर  आली  आहे . आज  मी  येईन  आणि  फक्त  तुझं  ऐकत  राहीन , अगदी  चुप्प  बसून , गप्प  राहून . फक्त  होकार  आणि  हुंकारच  भरत  राहीन . आणि  हलकेच  केव्हातरी  तुझ्या  वक्तव्याला  हसेन , तेही  गालातल्या  गालात . पहा  तू  कोड्यात  पडलीस  ना , की  हा  आज  काहीही  का  बोलत  नाहीय . हा  आज  गप्प  का , माझ्याशी  न  बोलण्याचे  व्रत  तर  याने  घेतले  नाही  ना . आणि  इथेच  तर  मी  तुझी  परीक्षा  पाहीन . मी  हसल्यावर  तू  माझ्या  मनातलं  ओळखशील  का , माझ्या  मनात  काय  चाललंय  हे  तुला  कळेल  का , माझी  ही  अबोल  भाषा , माझे  हे  मूक  राहणं  तुला  रुचेल  ना  ! हे  फक्त  काही  काळच  प्रिये , थोडीशी  गम्मतच  समज .

=============
गप्पच रहावस वाटत
तुझ्या जवळ बसल्यावर,
वाटत तू सगळ ओळखावस
मी नुसत हसल्यावर...
=============

--चंद्रशेखर गोखले
----------------
--संकलक-पियुष तायडे
(Tuesday, September 30, 2014)
------------------------------------

            (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
           --------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.11.2022-गुरुवार.