मला आवडलेल्या चारोळ्या-चारोळी क्रमांक-117

[Atul Kaviraje]

                               मला आवडलेल्या चारोळ्या
                                  चारोळी क्रमांक-117
                              -----------------------

मित्र/मैत्रिणींनो,

     --नवं-चारोळीकार  येथे  प्रेमाला  समर्पित  अश्या  या  दोन  प्रेमी  जीवांच्या  प्रीतीचा  खरा  अर्थ  आपणास  कथन  करीत  आहे . तो  म्हणतोय , त्याच्या  या  प्रेम-चारोळीतील  प्रियकर  म्हणत  आहे , मी  माझ्या  प्रियेवर  निस्सीम  प्रेम  केलंय , निरामय  प्रेम  केलंय , मनापासून  प्रेम  केलंय , अगदी  कशाचीही  अपेक्षा  न  करता .भले  माझं  प्रेम  तुमच्या  नजरेत  एक  खेळ  असेल , पण  त्याचा  अर्थ  तुम्हाला  कधीही  उमगणार  नाही . नव्हे  तो  तुम्हाला  कधी  कळणारही  नाही . माझं  हे  प्रेम  जरी  निःशब्द  असलं  तरी , ते  अर्थपूर्ण  असं  होतं . त्याला  एक  परिपूर्ण  अर्थ  होता , ते  नक्कीच  काहीतरी  सांगत  होतं . आणि  मी  या  प्रीतीत , प्रियेचे  प्रेम  मिळण्यासाठी , संपादन  करण्यासाठी  अनेक  स्वप्नेही  पहिली  होती . आणि  आज  ती  सारी  स्वप्ने  पूर्ण  झाली  आहेत . आज  मी  अतिशय  खुश  आहे . माझ्या  निःस्वार्थ  प्रेमाने  माझ्या  प्रियेला  जिंकलं  आहे . हळू  हळू  ते  तुम्हालाही  कळून  येईल .

=============
अबोल शब्दातही
प्रीतीचा एक अर्थ आहे
माझ्या मनाच्या स्वप्नासाठी
माझे प्रेम नि:स्वार्थ आहे....
=============

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
             -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-12.11.2022-शनिवार.