मला आवडलेल्या चारोळ्या-चारोळी क्रमांक-123

[Atul Kaviraje]

                               मला आवडलेल्या चारोळ्या
                                  चारोळी क्रमांक-123
                              ------------------------

मित्र/मैत्रिणींनो,

     --नवं-चारोळीकार  पहिल्या  प्रेमाची  खूण  या  चारोळीतून  आपणास  देऊन  जातोय , सांगून  जातोय . त्याच्या  चारोळीतील  नायक  त्याच्या  प्रेयसीस  म्हणतोय , हे  प्रिये , आपली  तेव्हा  ओळख-पाळख  ही  नव्हती . अश्या  एका  अवचित  काळी-वेळी  तुझी  आणि  माझी  पहिली भेट  झाली , एक  नवी  ओळख  होऊन  आपल्या  प्रेमाला  सुरुवात  झाली . तो  तेव्हाच  आपल्या  प्रथम  भेटीचा  सुगंध  प्रिये  मला  आजही  येथे  जाणवत  आहे . येथे  आल्यावर  माझे  मन  तो  चिर-परिचित  सुगंध , आपल्यात  पुन्हा  पुन्हा  भरून  ठेवीत  आहे , न  विसरणारे , अविस्मरणीय  क्षण  या  सुगंध  रूपाने  माझ्या  मनास  न्हाऊ  घालीत  आहेत . तसं  पाहिलं  तर  आपण  दोघेही  एकमेकांना  अनोळखीच  होतो , पण  या  प्रेमाने  आपणा  दोघांना  एकत्र  आणलं , एकत्र  बांधलं , आणि  आजही  मला  जाणवतंय , की  ते  अतूट  बंधन  मला  तुझ्या  प्रेमात  आजही  जखडून  ठेवतंय . तो  अनोळखी  बंध  मनात  कायमचाच  वसलेला  आहे . इतका  की  तो  मनापासून  दूर  जाण्यासही  मागत  नाहीय .

===================
आपली पहीली भेट.. नवी ओळख..
एक सुगंध मनात ठेऊन गेली.
तसं पाहीलं तर अनोळखीच होतो आपण,
तरी एक बंध मनात ठेऊन गेली.
===================

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-18.11.2022-शुक्रवार.