मला आवडलेल्या चारोळ्या-चारोळी क्रमांक-129

[Atul Kaviraje]

                               मला आवडलेल्या चारोळ्या
                                  चारोळी क्रमांक-129
                              -----------------------

मित्र/मैत्रिणींनो,

     --नवं-चारोळीकाराने  अतिशय  समर्पक  रित्या  गालावरच्या  तिळाचे  महत्त्व , त्याची   प्रेमातली  भाषा  अनोख्या  रीतीने  या  चारोळीतून  समजावून  दिली  आहे . त्याच्या  चारोळीतील  प्रियकर  आपल्या  प्रेयसीस  म्हणतोय , हे  प्रिये , अगं मला  तुझ्या  प्रेमात  पाडण्यासाठी , तुझ्या  गालावरचा तिळचं  अधिक  जबाबदार  आहे . तुला  प्रथम-क्षणीच  पाहता  मी  प्रथम  त्या  तिळाच्या  प्रेमात  पडलो , आणि  नंतर  तुझ्या.  या  तिळानेच  तुझे  सौंदर्य  असे  काही  खुलवले  आहे  की , बाकी  सारे  नगण्यच . तुला  जेव्हा  जेव्हा  मी  पाहतो , तेव्हा  नव्यानेच  या  तिळाच्या  प्रेमात  पडतो . प्रत्येक  क्षणी  मग  तो  मला  अधिकच  सुंदर  दिसतो . तो  मला  हर-क्षणी  काही  खुणावत  असतो , काहीतरी  सांगत  असतो . मला  त्याची  भाषा  उमगत  नाही , मला  काहीतरी  नक्कीच  त्यातून  कळतं  असतं , पण  मला  ते  शब्दात  मांडता  येत  नाही . आणि  मग मी  निःशब्द , निर्विकार  होतो , आणि  सतत  त्या  तुझ्या  गालावरल्या  तिळाकडेच  अनिमिष  नेत्रांनी  पाहू  लागतो , टक  लावून  पाहू  लागतो , अविरत , निश्चल  होऊन .

============
खुणवीत आहे काही
तिळ तुझ्या गालावरचे,
मलाच समजत नाही
ते शब्दात कसे सांगायचे.
============

नवं-चारोळीकार
--------------

              (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
             -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-24.11.2022-गुरुवार.