मला आवडलेल्या चारोळ्या-चारोळी क्रमांक-130

[Atul Kaviraje]

                                 मला आवडलेल्या चारोळ्या
                                   चारोळी क्रमांक-130
                                -----------------------

मित्र/मैत्रिणींनो,

     --हे  फुल  फक्त  सुगंध  द्यायचं  काम  करीत  असतं , त्याची  मोहकता  पसरवण्याचे  काम  करीत  असतं . अगदी  निःस्वार्थपणे , कशाचीही  अपेक्षा  न  धरता , करता . नवं-चारोळीकार  म्हणतोय , असावं  तर  या  फुलासारखंच . आपला  सुगंध  सर्वदूर  पसरवणाऱ्या  या  वाऱ्याला  ते  नेहमीच  धन्यवाद  देत  असतं , त्याचे  आभार  मानत  असतं . फुलाला   वाटतं , की  हा  माझा  सुगंध  सर्वांसाठीच  तर  आहे , त्यांनी  जर  तो  घेतला  नाही , तर  माझ्या  या  सुवासाचा  उपयोगच  काय  ? फुल  यातच  कृतार्थता  मानीत  असतं , की  अगदी  सर्व-सामान्यापर्यंतही  माझा  सुवास  जावा , आणि  या  सुवासानेच  तो  मोहित  व्हावा . आणि  हा  सुवास  दूरवर  घेऊन  जाणारा  वारा , त्याचेही  या  सुवास  पसरविण्यात  काहीच  स्वार्थ  नसतो . अतिशय  निःस्वार्थपणे  तो ही  सेवा  करीत  असतो . त्या  दोघांना  इतकंच  माहित  असतं , की  आपण  इतरांच्या  सेवेस  कामी  येतोय . आणि  असा  विचार  करूनच  ते  आपले  हे  कार्य  अधिक  नेटाने , जोमाने  करू  लागतात .

====================
फुल कधी म्हणत नाही की
सुगंध नेहमी वा-यावरच फिरतो,
कारण, त्यालाही माहीत असतं
कितीही दुर गेला तरी तो फुलाचाच असतो.
====================

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-25.11.2022-शुक्रवार.