- आणू कशी ?

[rupesh]

---- आणू कशी ?
----

समुद्रीवादळ हेलकावली नौका
किना-यावर आणू कशी ?
भळभळत्या जखमांचा पूर,
आटोक्यात आणू कशी ?

बेहिशोब आयुष्य सारे,
ताळमेळ जुळवू कशी ?
भग्न स्वप्नांचे तुकडे,
एकसंध जोडू कशी ?

माजला काहूर मनी,
शांत तया करू कशी ?
वाढत जाणा-या अपेक्षा,
पूर्तता करू कशी ?

निसटून गेलेल्या क्षणांना,
पुन्हा माघारी आणू कशी ?
वर्तमान जगायला उत्साह,
उसना मी आणू कशी ?

माझेच चुकत असावे,
'मलाच' समजावू कशी ?
दुर्मिळ अपुल्या जीवनात,
बहार मी आणू कशी ?

----- अस्मिता

[aspradhan]

 Very nice!!

[amoul]

mast!!

[ghodekarbharati]

Chan ahe.