तुही बागडावे

[शिवाजी सांगळे]

तुही बागडावे

उगाच जीव कावरा बावरा होतो एकांती
पडसाद हळव्या हुंकाराचा होतो भोवती

दौडते नजर चौफेर शोधण्या काही तरी
अस्तित्व तुझे आधार हा वाटतो सोबती

उन पिवळे पान कोवळे रान सारे कोवळे
एकच एक रंग इथे हिरवा दिसतो भोवती

असून जरी दोलायमान फांदी वाऱ्यावरी
वाजवीत शिळ सहजपणे डौलतो शेवटी

खेळतात सावल्या कवडसे एकमेकांसवे
वाटते तुही बागडावे मुक्त म्हणतो संगती

©शिवाजी सांगळे 🦋papillon
संपर्क: +९१ ९५४५९७६५८९