मला आवडलेल्या चारोळ्या-चारोळी क्रमांक-133

[Atul Kaviraje]

                                 मला आवडलेल्या चारोळ्या
                                   चारोळी क्रमांक-133
                                ------------------------

मित्र/मैत्रिणींनो,

     --नवं-चारोळीकार  प्रितीने  फुललेल्या  या  चारोळीत  नवं-प्रेमिकांचे उत्फुल्ल असे  मन  आणि  त्यातील  उत्स्फूर्त  असे  प्रेम-विचार मांडत  आहे . तो  म्हणतोय , त्याच्या  चारोळीतील  हा  प्रेमी   आपल्या  प्रियेच्या  सौंदर्याचे  वर्णन  करता  म्हणतोय , की  हे  प्रिये , या  कोवळ्या  उन्हात  फिरूनही , उन्हाचा  तडाखा  लागूनही   तुझे  रूप  किंचितही  कमी  झालेले नाही. तुझे  गोरेपान  रूप  किंचितही  काळवंडलेले  नाही . अशी  काय  बरे  तुझ्यात  जादू  आहे , की  तू  मला  आहे  तशीच  भासते  आहेस , किंबुहना  किंचित  उजवीच . आणि  आता  मला  तर  तुला  त्या  फुलराणीची , फुलांच्या  राणीची  उपमा  द्यावीशी  वाटतेय , की  ज्याप्रमाणे  ही  फुलराणी कोवळ्या   उन्हात  न्हाऊन , त्या  उन्हाच्या  झळांनी  नख-शिखांत  झळाळून  तरीही  सोज्वळच  अशी  भासत  आहे , तिचा  डौल  किंचितही  कमी  झालेला  नाही . ज्याप्रमाणे  पहाटेच्या  ओल्या  दवात   न्हाऊन  जणू  काही  आताच  फुलल्याप्रमाणे , अतिशय  ताजी-तवानी  रूपवान  अशीच  भासत  आहे , तद्वतच  तुझं  रूपही  आहे  प्रिये . नुकतीच  सुस्नात  होऊन , केश-संभार  पाठीवर  मोकळा  सोडून , आणि  या  कोवळ्या  उन्हात  तुझे  सौंदर्य  असं  काही  नटल  आहे , की  तुला  दागिन्यांची  काय  गरज  ? अश्या  तुझ्या  या  ओलेत्या  रूपास  कशाचीही  उपमा  नाहीय  बरे  ! तू  जणू  दुसरी  फुलराणीच  आहेस  !

=============
कोवळ्या उन्हात न्हाऊन
नखशिखांत तु नटलेली,
जणु, सोज्वळ ती फुलराणी
ओली आताच फुललेली.
=============

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-28.11.2022-सोमवार.