मला आवडलेल्या चारोळ्या-चारोळी क्रमांक-136

[Atul Kaviraje]

                                  मला आवडलेल्या चारोळ्या
                                    चारोळी क्रमांक-136
                                -------------------------

मित्र/मैत्रिणींनो,

     --हे  निसर्गाचे  चक्र  अथक , निरंतर  , न  थकता  कसं  चाललंय  याचं  सारं  हा  नवं-चारोळीकार  आपणास  बखुबीनें  सांगून  जातो . हा  सूर्य , दिनमणी , प्रभाकर , भास्कर  गेली  कितीतरी  युगे  असाच  उदयास  येत  आहे . कितीतरी  दशके , शतके , लक्षावधी  वर्षे , तो  असाच  नित्य-नेमाने  आपले  काम  चोख  करीत  आहे . फक्त  प्रकाश  देणे , सर्व  जग  उजळून  टाकणे  एवढंच  त्याला  माहित  आहे . आणि  हे  सर्व  तो  निशःब्दपणे , एकही  शब्द  न  उच्चारता, अगदी  निःस्वार्थपणे  करीत  आहे , त्याचा  दिंडोरा  न  पिटता , टिमकी  न  वाजवता . त्याला  माहित  आहे , की  निसर्ग-नियमाप्रमाणे  आपलाही  अस्त  आहे , पण  म्हणून  तो  आपल्या  या  कामात  बिल्कुलही  कुचराई  करीत  नाही . तो  सायंकाळी  मावळतो  जरूर , पण  उद्याच्या  पहाटेची  उगवण्याची  आस   घेऊनच . आणि  पुन्हा  एकदा  उगवून  दिवसभर  आपले  कार्य  करून , संध्याकाळी  पुन्हा  एकदा  मावळायचे  आहे  हेही  त्याला  माहित  आहे . दिवस-रात्रीच्या  चक्राचा  हा  विधाता  अमर  आहे , अशाश्वत  आहे .

=====================
संध्याकाळची वेळ
सुर्य दमुन अस्ताकडे झुकलेला,
नि:शब्द सांगुन जातो
'उगवणार आहे मी पुन्हा एकदा मावळायला'
=====================

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
             ------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-01.12.2022-गुरुवार.