इतर कविता-(क्रमांक-64)-चिंब पावसानं रानं झालं आबादानी

[Atul Kaviraje]

                                       इतर कविता 
                                      (क्रमांक-64)
                                     -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                                चिंब पावसानं रानं झालं आबादानी
                               ------------------------------

चिंब पावसानं रानं झालं आबादानी
झाकू कशी पाठीवरली, चांदण गोंदणी...
झाकू नको कमळनबाई, एकांताच्या कोनी
रुपखनी अंगावरली, सखे लावण्याची खाणी...

राया तुझे हात माझ्या हातात गुंफूनी
उन्हात चांदणं आलं लाज पांघरुनी...
तुझ्या डोळ्यांच्या सांदीत, सावल्यांची राणी
पान्यामंदी झिम्मा धरं, आभाळ अस्मानी...

अंगावरी थरथर उठली झिम्मड भिजल्यावानी
सांगता न येई काही साजणा बोलांनी...

– ना. धो. महानोर
----------------
संकलक-सुजित बालवडकर
------------------------

                 (साभार आणि सौजन्य-मराठीकविता.वर्डप्रेस.कॉम)
                --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-03.12.2022-शनिवार.