सुरेश वाडकर, अनुराधा पौडवाल-तळव्यावर मेंदीचा अजुन रंग ओला

[Atul Kaviraje]

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, श्री सुरेश वाडकर, अनुराधा पौडवाल यांनी गायिलेले एक गीत. या गीताचे शीर्षक आहे- "तळव्यावर मेंदीचा अजुन रंग ओला"

                            "तळव्यावर मेंदीचा अजुन रंग ओला"
                           --------------------------------

तळव्यावर मेंदीचा अजुन रंग ओला,
माझ्या मनी, प्रीत तुझी, घेते हिंदोळा ||धॄ||

गाईलेस डोळ्यांनी, एक निळे गाणे,
बट हळवी, वार्‍यातील वेचिते तराणे,
नकळत, तव हात प्रिये,हाती मम आला ||१||

पवनातुनी शीतलता दाटुनिया आली,
दोन मने प्रीतीच्या गंगेतच न्हाली,
आसमंत आनंदे धुंद धुंद झाला ||२||

ही दुपार भिजलेली प्रीत चांदण्यात,
मिटुनी पंख, खग निवांत शांत तरूलतांत,
आज तुझ्या सहवासी जीव धन्य झाला ||३||

===================
गीतः शांताराम नांदगावकर
संगीतः अरूण पौडवाल
गायकः सुरेश वाडकर,अनुराधा पौडवाल
===================

--प्रकाशक : शंतनू देव
(MONDAY, MARCH 28, 2011)
--------------------------------

                (साभार आणि सौजन्य-माणिक-मोती.ब्लॉगस्पॉट.कॉम)
                          (संदर्भ-♫ गाणीमराठी.com ♫♪)
               -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-04.12.2022-रविवार.