मला आवडलेल्या चारोळ्या-चारोळी क्रमांक-141

[Atul Kaviraje]

                                मला आवडलेल्या चारोळ्या
                                  चारोळी क्रमांक-141
                               -----------------------

मित्र/मैत्रिणींनो,

     --नवं-चारोळीकाराची  पुन्हा  एकदा  ही आठवणीवरली  चारोळी  मनाला  भावुक  करून  जाते . त्याच्या  चारोळीतील  प्रेयसीचे  मनोगत  असं  आहे , ती  आणि  तिचा  प्रियकर  विरहानंतरही  एकमेकांना  विसरणे  शक्य  नव्हते . त्यांचे एकमेकांवर  खूप  प्रेम  होते . पण  आता  तो  फक्त  आठवणीतच  उरलाय, असं  ती  म्हणते . त्याची  राहून  राहून  तिला  सतत  आठवण  येत  असते . ही  आठवणींची  पिसं  मग  ती  अतीव  उत्सहाने  एखाद्या  अल्लड  बालिकेप्रमाणे  वर  उडवते , आणि  त्याची  मजा  पाहत  राहते . तिला  वाटतं  की  ही  पिसं  या  अवखळ  वाऱ्याबरोबर  उडून  माझ्या  प्रियकराकडे  जातील , आणि  त्यालाही  माझी  याद , आठवण  करून  देतील . पण  प्रत्यक्षात  घडते  वेगळेच .ही  पिसं  त्याने  वरचेवर  झेलायचे  दूरच , त्याचे  अस्तित्त्वच  आता  मिटल्यात  जमा  झाले  की  काय  असं  तिला  वाटू  लागत . कारण  ती  उडवलेली  पिसं  तशीच  तरंगत  राहून  कुठेच  न  जाता , शेवटी  तिच्याच  पदरात  येऊन  अलगद  पडून  जातात . आणि  तिला  त्याद्वारे  एक  संकेत  मिळतो , की  तू  आता  त्याच्या  आठवणींच्या  जंजाळात , मोह-मायेत  पडू  नकोस . तुझ्या  आठवणी  फक्त  तुझ्यापुरत्याच  राहू  देत . त्या  आता  आयुष्यभर  तूच  सांभाळ .

=====================
माझ्या ओंजळीतुन
तुझ्या आठवणींची नेहमी पिसं मी उडवावी...
अलगद अशी उडुन ती,
पुन्हा माझ्याच पदरत पडावी...
=====================

नवं-चारोळीकार
--------------

              (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
             --------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.12.2022-मंगळवार.