मला आवडलेल्या चारोळ्या-चारोळी क्रमांक-143

[Atul Kaviraje]

                                मला आवडलेल्या चारोळ्या
                                  चारोळी क्रमांक-143
                               -----------------------

मित्र/मैत्रिणींनो,

     --या  गुलाबी  थंडीत  अशी  चारोळी  न  सुचणं , म्हणजे  या  थंडीचा  जणू  अपमानच . नवं-चारोळीकार  हाच  प्रयत्न  करतोय. त्याची  उत्स्फूर्तता  वाखाणणीय  आहे . तो  म्हणतोय , की  सर्व  ऋतूंमध्ये  हुडहुडी  आणणारा , झोपेत  अंगावर  उबदार  शाल  ओढून  घेण्यास  लावणारा , कानाभोवती  मफलर  गुंडाळावयास  लावणारा  म्हणजे  हा  हिवाळा  ऋतू . आणि  असे  वातावरण  अनुभवायचे  असेल  तर  पहाटे  पहाटे  गुलाबी  थंडीत  बाहेर  फिरण्यास  जावे . तर  असा  अनुभव  चारोळीकारालाही  आलाय . तो  म्हणतोय , की   दोघांचेही  म्हणजे  थंडीचं  आणि  पहाटेच  एक  जुनं  नातं  असावं , एक  प्रगाढ  मैत्री  असावी . इतकी  की  ही  पहाट थंडीच्या वाटेवर डोळे लावून आहे,   जणू  ही  थंडी  कधी  पडतेय  आणि  तिला  भेटावयास  कधी  येतेय . तर  अशी  ही  थंडी  आणि  पहाट  जिवाभावाच्या  जणू  सख्ख्या मैत्रिणी,  आजही  त्या  दोघी  सकाळच्या  वाटेवर  हातात  हात  घालून  एकत्र  फिरताना , चालताना  नेहमीच  दिसतात .

=================
थंडीचं एकदा
प्रेम जडलं पहाटेवर,
आजही ते एकत्र चालताना दिसतात
सकाळच्या वाटेवर.
=================

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-08.12.2022-गुरुवार.