मला आवडलेला निबंध-निबंध क्रमांक-56-माझा आवडता प्राणी मांजर

[Atul Kaviraje]

                                "मला आवडलेला निबंध"
                                   निबंध क्रमांक-56
                               ----------------------

मित्र/मैत्रिणींनो,

     आज वाचूया, "मला आवडलेला निबंध", या निबंध-मालिकेतील एक महत्त्वाचा निबंध. या निबंधाचे शीर्षक आहे- "माझा आवडता प्राणी मांजर"

     मांजरी अतिशय सुंदर आणि गोंडस प्राणी आहे. तिला माणसांसोबत राहायला आवडते. मांजर जवळपास सर्व देशांमध्ये पाळली जाते. ज्या घरात मांजर असते तिथं उंदीर त्रास देत नाहीत. मांजरीला आराम करायला खूप आवडते. यामुळे तिला आळशी प्राणी म्हणून सुद्धा संबोधले जाते. पण तरीही मांजरीचे शरीर खूप लवचिक असते व तिच्यात स्फूर्ती देखील खूपच असते.

     मांजरीचे शरीर लहान व नरम केसांनी झाकलेले असते. पहिल्या दृष्टीत मांजर लहान वाघाप्रमाणे दिसते. मांजरीचे शरीर खूप लवचिक आणि मजबूत असते. यामुळे ती उंच उड्या मारू शकते. उंची वरून पडली तरी तिच्या शरीराला इजा होत नाही. मांजरीला चार पाय असतात. तिच्या या पंज्यामध्ये तीक्ष्ण नखे असतात. या नखांच्या मदतीने ती तिच्या शिकारला पकडते. मांजरीला उंदीर खायला आवडते. मांजर पांढरा, काळा आणि भुर्या रंगाची असते. मांजरीचे डोळे चमकदार असतात या डोळ्यांमुळे ती रात्रीच्या अंधारात पण पाहू शकते.

     अन्य प्राण्या प्रमाणेच मांजरीचे जीवन पण असते. तिचा स्वभाव चांगला असतो. ती माणसाचे हावभाव समजते. पण जंगली मांजरीचा स्वभाव थोडा हिंसक असतो, म्हणून या मांजरी माणसावर आक्रमण पण करू शकतात. ज्यावेळी मांजर खुश असते तेव्हा ती आपली शेपटी हलवून प्रतिक्रिया करते. मांजर उंदीर शिवाय मासे, चिमणी, कबुतर, दूध, पोळी इ पण अन्न म्हणून खाते. मांजर दिवसभर इकडून तिकडे उड्या मारत असते. ती खूपच चपळ असते.

     जगभरात मांजरीची 50 करोड पेक्षा जास्त संख्या आहे. मांजरीचा स्वभाव खूपच चांगला असतो. आपण सुद्धा मांजरीला प्रेमाने ठेवायला हवे. जपान मध्ये मांजरीला शुभ मानले जाते पण भारतात आज देखील बरेच लोक मांजरी द्वारे रस्ता आडवा गेला तर अशुभ मानतात.

--लेखक-मोहित पाटील
--------------------

                  (साभार आणि सौजन्य-संदर्भ-भाषण मराठी.कॉम)
                 -------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-08.12.2022-गुरुवार.