मला आवडलेल्या चारोळ्या-चारोळी क्रमांक-145

[Atul Kaviraje]

                                मला आवडलेल्या चारोळ्या
                                   चारोळी क्रमांक-145
                               -----------------------

मित्र/मैत्रिणींनो,

     --नवं-चारोळीकार  प्रेमात  नवं-आयुष्य  कसे  सुरु  करायचे , हे  या  प्रेम-चारोळीतून  सांगत  आहे . त्याच्या  चारोळीतील  प्रियकर  त्याच्या  प्रेयसीस  म्हणतोय , की प्रिये  तुला  पाहता-क्षणीच  मी  तुझ्या   प्रेमात  पडलो . अन  तू  मला  फारच  जवळची  वाटू  लागलीस . आपली  ओळख  फार  दिवसांची  नव्हती , तरी  आपले  हे  प्रेम  युगायुगांचे  आहे , असे  मला  प्रतीत  होत  आहे . तुझा  आता  श्वासनश्वास  माझ्या  ओळखीचा  , मला  परिचित  झाला  आहे . दिवसागणिक  तो  श्वास   मला  नव्याने  भासू  लागला  आहे . हा  भास  की  सत्य  हे  मला  आता  कळेनासे  झाले  आहे . इतकी  तू  माझ्यात  समरस  झाली  आहेस . प्रिये , ये  आता  हा  उशीर  सहन  होत  नाहीय . लवकरात  लवकर  मला  होकार  दे , माझा  तू  स्वीकार  कर , मला  तू  आपले  म्हण , जेणेकरून  माझे  जीवन  सुस्थिर  होईल . माझ्या  जीवनाला  गती  येईल , माझ्या  आयुष्याचा  एक  नवीन  प्रवास  सुरु  होईल , अन  तोही  तुझ्याच  सोबतीने .

================
दिवसागणिक श्वास नविन
श्वासागणिक भास नविन
पण तुझ्या होकारानेच सुरु होईल
माझ्या आयुष्याचा प्रवास नविन !!!
================

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.12.2022-शनिवार.