इतर कविता-(क्रमांक-71)-उजाडल्या वरी सख्या निघूनी जा घराकडे

[Atul Kaviraje]

                                     इतर कविता 
                                    (क्रमांक-71)
                                   -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                          उजाडल्या वरी सख्या निघूनी जा घराकडे
                         -----------------------------------

उजाडल्या वरी सख्या निघूनी जा घराकडे,
अजुनही उशीवरी टिपूर चांदणे पडे...

उगीच वेळ सारखी, विचारतास जाय तू,
पून्हा पून्हा मिठीतही शहारतोस काय तू...

अजून कुंतलात या तुझा न जीव गुंतला,
अजून पाकळ्यातला मरंदही नही संपला...

अजूनही कसे तुझे लबाड ओठ कोरडे....

अजून थांब लागली जगास झोप आंधळी
दिसेल या नभातही हळूच रात्र सावळी...

उजाडल्या वरी सख्या निघूनी जा घराकडे,
अजुनही उशीवरी टिपूर चांदणे पडे...

–सुरेश भट-एल्गार
----------------
संकलक-सुजित बालवडकर
------------------------

                 (साभार आणि सौजन्य-मराठीकविता.वर्डप्रेस.कॉम)
                --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-10.12.2022-शनिवार.