अरुण दाते-सूर मागू तुला मी कसा ?

[Atul Kaviraje]

मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, श्री अरुण दाते यांनी गायिलेले एक गीत. या गीताचे शीर्षक आहे- "सूर मागू तुला मी कसा ?"

                                "सूर मागू तुला मी कसा ?"
                               ------------------------

सूर मागू तुला मी कसा ?
जीवना तू तसा, मी असा.

तू मला, मी तुला पाहिले
एकमेकांस न्याहाळिले
दुःख माझा तुझा आरसा
जीवना तू तसा, मी असा

एकदाही मनासारखा
तू न झालास माझा सखा
खेळलो खेळ झाला जसा
जीवना तू तसा, मी असा

खूप झाले तुझे बोलणे
खूप झाले तुझे कोपणे
मी तरीही जसाच्या तसा

रंग सारे तुझे झेलुनी
शाप सारे तुझे घेउनी
हिंडतो मीच वेडपिसा
जीवना तू तसा, मी असा

काय मागून काही मिळे ?
का तुला गीत माझे कळे ?
व्यर्थ हा अमृताचा वसा
जीवना तू तसा, मी असा

===============
गीत - सुरेश भट
संगीत - पं.हृदयनाथ मंगेशकर
स्वर - अरुण दाते
===============

--प्रकाशक : शंतनू देव
(THURSDAY, MARCH 17, 2011)
-----------------------------------

                (साभार आणि सौजन्य-माणिक-मोती.ब्लॉगस्पॉट.कॉम)
                           (संदर्भ-♫ गाणीमराठी.com ♫♪)
               -----------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-11.12.2022-रविवार.