मला आवडलेल्या चारोळ्या-चारोळी क्रमांक-148

[Atul Kaviraje]

                                मला आवडलेल्या चारोळ्या
                                  चारोळी क्रमांक-148
                               -----------------------

मित्र/मैत्रिणींनो,

     --नवं-चारोळीकार  अतिशय  सुंदर  उपमा  या  प्रेमास  देत  आहे . त्याच्या  चारोळीतील  प्रियकर  आपल्या  प्रेयसीस  म्हणतोय , की  हे  प्रिये , तुझ्या  बोलण्यात , तुझ्या  असण्यात  एक  दैवी  शक्ती  आहे , एक  अनोखी  जादू  आहे , की  फक्त  तुझं   अस्तीत्त्वच  मला  मोकळ्या श्वासाचा  अनुभव  देतं , पुन्हा  एकदा  नव्याने  जगण्याचा  आभास  करून  देतं . मला  तू  हे  सर्व  देतेसच , पण  या  निसर्गालाही  तुझी  बहुतेक  गरज  लागेल . पहा  आभाळातील  चांदण्याही  कश्या  मंद , निस्तेज  होऊ  पाहत  आहेत, विझू   पाहत आहेत. त्यांनी प्रकाश देणं बंद केलं आहे. त्यामुळे  आकाशात  एक  प्रकारची  अवकळा  पसरल्याचे  दिसत  आहे . गगन  अक्षरशः  अंधाराने  झाकोळून  निघाले  आहे . अश्या  वेळी  तू  फक्त  एकंच  काम  कर , मला  ज्याप्रमाणे  तू  नवं-जीवन , नवा-श्वास  दिलास , त्याप्रमाणेच , त्या  निस्तेज  चांदण्यांनाही  तू  आपल्या  असण्याने  पुन्हा  एकदा  चमकण्याचा , उजळण्याचा  ध्यास  दे , जेणेकरून  त्यांची  लकाकी , चमक  वाढून  आकाशाला  पुन्हा  एकदा  सौंदर्य  प्राप्त  होईल .

=================
मोकळ्या हवेचा श्वास दे,
मला पुन्हा एकदा जगण्याचा भास दे.
आज चांदण्याही विजलेत बघ,
त्यान्हाही चमकण्याचा ध्यास दे.
=================

नवं-चारोळीकार
--------------

             (साभार आणि सौजन्य-संदर्भ-माझ्या लेखणीतून.ब्लॉगस्पॉट.कॉम)
            -------------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-13.12.2022-मंगळवार.