इतर कविता-(क्रमांक-74)-हास्य उधळून निघालो

[Atul Kaviraje]

                                     इतर कविता 
                                    (क्रमांक-74)
                                   -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                                   हास्य उधळून निघालो
                                  --------------------

हास्य उधळून निघालो
दु:ख कुरवाळून निघालो
ती लाजली जराशी
स्वप्नांत होरपळून निघालो

हात धरला तीने
स्पर्शात विरगळून निघालो
चेहरा लपवला हातात
चंद्र माळून निघालो

मिठीत घेतलं अलगद
कापसात पिंजून निघालो
भार ओठांचा दिला ओठांना
अमृत चगळून निघालो

बट सावरली केसांची
मेघात जळून निघालो
"काय करतोस" पुटपुटली
भावना आवळून निघालो

लाजून "ईश्य" म्हणाली
शब्दात पोळून निघालो
"येते मी आता"
मी अश्रूं गिळून निघालो

– सुरेश भट
-----------
संकलक-सुजित बालवडकर
------------------------

                  (साभार आणि सौजन्य-मराठीकविता.वर्डप्रेस.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-13.12.2022-मंगळवार.