II श्री गुरु देव दत्त II-श्री दत्त भक्ती गीत-पूजा हो दत्तगुरु दिनरात

[Atul Kaviraje]

                                     II श्री गुरु देव दत्त II
                                    --------------------

मित्र/मैत्रिणींनो,

     आज गुरुवार. श्री दत्त गुरूंचा वार.  आज ऐकुया, दत्त गुरूंचे एक भक्ती गीत. या भक्ती गीताचे बोल आहेत- "पूजा  हो  दत्तगुरु  दिनरात"

                                   श्री दत्त भक्ती गीत
                              "पूजा  हो  दत्तगुरु  दिनरात"
                             --------------------------

पूजा  हो  दत्तगुरु  दिनरात
सौख्य  शांतीचा  प्रसाद  मिळतो  दत्तगुरु  पूजनात

ब्रह्माविष्णुसवे  महेश्वर
त्रैमूर्तीचे  रूप  मनोहर
अनसूयेच्या  सदनी  भूवर  रमले  आनंदात

श्यामल  नयनी  प्रेमळ  दृष्टी
सदा  कृपेची  करिती  वृष्टी
भक्तजनांच्या  पाठीवरती  फिरवी  कोमल  हात

प्रसन्न  होऊनि  दत्तदिगंबर
उद्धरती  हे  सर्व  चराचर
अत्रिनंदन  करुणासागर  नित्य  असो  स्मरणात

=============
गीत- गुलाब भेदोडकर
संगीत- आर एन पराडकर
स्वर- आर एन पराडकर
गीतप्रकार- भक्तीगीत
=============

                  (साभार आणि सौजन्य-संदर्भ-आठवणीतली-गाणी.कॉम)
                 ------------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.12.2022-गुरुवार.