इतर कविता-(क्रमांक-78)-चाहूल ही कुणाची ?

[Atul Kaviraje]

                                       इतर कविता 
                                      (क्रमांक-78)
                                     -------------

मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे .

                                    चाहूल ही कुणाची ?
                                   ------------------

कशी पाऊल ठशांची
हिरवळ सजली ?
एकाकी वाटेवरी
संगत ही कुणाची ?
चाहूल ही कुणाची ? चाहूल ही कुणाची ?

कशी अदॄश्य महालाची
कवाडं मोडली ?
कुलूपास तोडणारी
नजर ही कुणाची ?
चाहूल ही कुणाची ? चाहूल ही कुणाची ?

कशी रुसल्या ओठी
चंद्रकोर हसली ?
हुंदक्यांस चुंबणारी
अधर ही कुणाची ?
चाहूल ही कुणाची ? चाहूल ही कुणाची ?

कशी सत्य उन्हाळी
आषाढीत भिजली ?
स्वप्न पेरायची
स्वप्नं ही कुणाची ?
चाहूल ही कुणाची ? चाहूल ही कुणाची ?

कशी होकार घंटी
नकारात वाजली ?
दैवास मनवणारी
आरती ही कुणाची ?
चाहूल ही कुणाची ? चाहूल ही कुणाची ?

कशी पराजयी मी
विजेती जाहली ?
मज जिंकवणारी
वकिली ही कुणाची ?
चाहूल ही कुणाची ? चाहूल ही कुणाची ?

अशी सुखं न्यारी
कुंकूवाने भरली..
पूर्णत्व देणारी
संपूर्णता ही तुझी..
चाहूल ही तुझी , चाहूल ही तुझी..

–स्वप्ना
-------
संकलक-सुजित बालवडकर
------------------------

                  (साभार आणि सौजन्य-मराठीकविता.वर्डप्रेस.कॉम)
                 --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-17.12.2022-शनिवार.